ШҚО-да зиялы қауым өкілдері латын әліпбиінің жобаларына қатысты пікір білдіруде

11.10.2017

Жуықта ұсынылған латын әліпбиінің нұсқасына қатысты қоғамда орын алған талқылауларға өз пікірін С.Аманжолов атындағы ШҚМУ қазақ, орыс филологиясы және журналистика кафедрасының доценті, филология ғылымдарының кандидаты А.А.Алимхан білдірді.

Бүгінгі таңда қазақ жазуының кириллицадан латын әліпбиіне ауысуы заман талабынан туындаған, аса маңызды, күрделі, көкейкесті мәселенің бірі. Қазақ жазуын латын графикасына ауыстырудағы ең  басты шешім біздің тілімізге ыңғайлы, жеңіл, қолайлы әліпби таңдауымызбен тікелей байланысты екені айқын дүние. Қазіргі ұсынылып отырған жобаларға қатысты өз пікірімді білдіретін болсам, біздің тілімізге диграфтар мүлде сай келмейді. Өйткені қазақ тілі жалғамалы тіл болғандықтан сөздердің орфографиясы қиындап,  қазақ сөздерінің айтылуы заңдылықтарына нұқсан келеді. Әліпбиде әр дыбыстың өз таңбасы болуы қажет.  Сондықтан ұсынылып отырған соңғы жоба осы тұрғыдан қолайлы екені даусыз. Әрі ағылшын тілінің пернетақтасына сай келіп, жазу жұмыстарын жеңілдететіні де түсінікті. Жалпы бұл соңғы жобаны ұсынылған жобалардың ішіндегі ұтымды жобалардың бірі деп бағалаймын.

Фото:КТК

 

Похожее

Жоғары мотивация
Жоғары мотивация

19.09.2018 08:57

Өскемен қаласындағы Назарбаев Зияткерлік...

Подведены итоги конкурса «Литературный Восток»
Подведены итоги конкурса «Литературный Восток»

03.09.2018 15:56

С 7 по 17 августа и с 19 по 29 августа 2018 года победители...