Қазақ күресінен ІІІ Әлем кубогына 100 мың АҚШ доллары бәске тігілді

26.05.2017

Дүбірлі дода Шығыс Қазақстанда өтеді

Тарбағатай ауданында Ырғызбай Досханаұлының атындағы Қазақ күресінен ІІІ Әлем кубогі өтеді. Ақсуат ауылында өтетін дүбірлі додаға әлемнің 25 мемлекетінен келген балуандар бақ сынаспақ, деп хабарлайды 16news.kz ШҚО Ақпараттық орталығына сілтеме жасай отырып.

Аталмыш шараның ұйымдастырушыларының айтуынша, шараның жалпы жүлде қоры 100 мың АҚШ доллары құрап отыр.

«Бұндай шаралар ауылды аймақтарда жақсы өтеді. Оның үстіне жылдан-жылға қатысушы мемлекеттердің де саны, көрермендердің қарасы да артып келеді. Шараның өтуіне қолдау берген ірі кәсіпорындар мен Күрес түрлері Халықаралық ассоцациясының президенті Гинтаус Вилейтаға алғыс білдіргім келеді», — деді Бүкіләлемдік Қазақ күресі федерациясының вице-президенті Серік Түкиев.

Фото:Alashainasy.kz

Похожее