Сауда үйіндегі ұрлық

19.04.2019

Ұрлық жасаушы оңай олжа тапқанымен, келесі біреуді шығынға батырғанын немесе моралдық-материалдық тұрғыда дағдарысқа ұшыратқанын ойдан шығарады. Сонымен қатар, жасаған қылмысының сұрауы болатынын да елемейді.

2019 жылдың сәуір айында Өскемен қаласының орталығында орналасқан сауда үйлерінің бірінде ұрлық дерегі болғаны жайында полицияға шағым түседі. Белгісіз ер адам сауда үйінің  есігін бұзып кіріп, бірнеше бутиктерінің тауарын жымқырған екен. Бір бөлімнен киім-кешек алса, екіншісінен шаруашылық тауарын қолды етіп, 300 мың теңгеден астам шығын келтірген.

Өскемен қаласының Полиция басқармасы Ертіс полиция бөлімі қызметкерлерінің шұғыл іздестіру жұмыстары барысында бұрын да осындай ұрлық фактілеріне бой алдырған 27 жасар қала тұрғыны қолға түседі.

  • 1992 жылы туылған азаматтан сауал алу барысында барлық кінәсі мойындалып, ұрлық дерегі дәлелденді. Күдіктінің бұған дейін сотты болғаны анықталып, қазіргі уақытта оған қатысты Қазақстан Республикасының Қылмыстық Кодексінің 188 бабының 2 және 3 бөліктері бойынша сотқа дейінгі тергеу амалдары жүргізілуде,-деді Өскемен қаласы Полиция басқармасының бастығы полиция полковнигі Даур Ибраев.

Заң барлығына ортақ және жасалған қылмыс немесе құқық бұзушылық үшін кез келген жан тиісті жазасын алады.

Похожее