Түнгі төбелес

23.04.2019

2019 жылдың 21 сәуірінде түнгі сағат 12 ден асқанда Өскемен қаласының орталығындағы дәмханаларының бірінің аумағында бір топ адамның төбелесіп жатқанын Жедел басқару орталығының «102» арнасының бейне камерасы анықтайды.

Оқиға орнына бірден жақын маңдағы полиция экипаждары жетіп, түнгі бұзақыларды қолға түсіреді. Тексеру барысында 19 бен 26 жас аралығындағы жас жігіттер көңілді отырыстың аяғын өзара дау-дамайға айналдырып, жаппай төбелеске ұластырғандары анық болды. Қоғамдық тәртіп тыныштығын бұзып, жаппай бұзақылыққа жол бергендері үшін полиция бөлімшесіне жеткізілгендерге қатысты Қазақстан Республикасының Қылмыстық Кодексінің 293 бабы 2 бөлімі бойынша сотқа дейінгі тергеу амалдары жүргізіліп, бұзақылар заң алдында жауап беретін болады.

Похожее