Өскеменде электронды форматта қылмыстық істерді тергеу кезінде туындайтын проблемалық мәселелер талқыланды

09.08.2019

Дөңгелек үстел отырысында Шығыс Қазақстан облыстық сотының судьясы Г.Алипанова, Өскемен қаласының №2 сотының м.а. Т.Алимханов, құқықтық статистика және арнайы есептер комитет басқармасының, полиция департаменті мен облыстық прокуратура өкілдері қатысты.

Г.Алипанова іс-жүргізу заңнамасының негізгі талаптары бойынша электрондық форматта істі рәсімдеу кезінде құдалау органдарымен жіберілетін кемшіліктер туралы баяндама жасады.

«Ағымдағы жылдың 1 жартыжылдығында Өскемен қаласының №2 сотында электронды форматта 21 іс қаралды, бұл өткен жылғы кезеннең 66% көп. Электрондық формат қылмыстық істер бойынша өңдірісті жеңілдетеді және қол жетімділігін арттырады. Дегенмен, прокуратура мен сот бағдарламалары үйлесімділігінде техникалық сипаттағы проблемалар бар» –деп атап өтті өз сөзінде төраға м.а. Т.Алимханов.

ҚСжАЕКБ жіне прокуратура өкілдері сот кеңсесі үкімдердің заңды күшіне ену белгілерін қойып, уақытылы ұсынуды және процесуалдық құжаттарды толтыру кезінде туындайтын мәселелерді көрсетті.

Іс-ша қорытындысы бойынша қатысушылар проблемалық мәселелерді жүйелендіріп, одан әрі жұмыс істеу бойынша бірлескен ұсыныстар әзірледі.