Өскеменде көпқабатты үйлердің орталық жылу жүйесі жоқ

18.11.2018

Грибоедов көшесіндегі 5/1 мекен-жайындағы үйдің және Гвардейская көшесіндегі бес екі қабатты үйлердің орталық жылу жүйесі жоқ. Тұрғындар үйлерін электр пештермен жылытуға мәжбүр. Тұрғын үйлерге жылу беру қиындығы - ең жақын орналасқан жылу орталығы Абай даңғылы мен Тракторная көшесінің қиылысынан 5 километр жерде орналасқандығы болып табылады.

Аталған мәселе қала әкімінің тұрғындармен кездесуінде көтерілді. Бүгін Жақсылық Омар қала бойынша жұмыс сапары барысында көтерілген мәселемен жеке танысты.

Танысу барысында жоғарыдағы тұрғын үйлердің бірінің тұрғыны Үмітхан Сағымбекқызы қала басшысына тағы бір мәселе туралы айтып берді. Аулада контейнерлік алаңдар жоқ және орталықтандырылған қоқыс шығару жұмыстары жүргізілмейді екен. Қала әкімі ТКШ бөліміне осы мәселені жедел шешуді тапсырды. Жылу жүйесін тартуға қатысты жылу орталығын салу, шағын жылу орнын жабдықтау, газбен жылытуды ұйымдастыру нұсқалары қарастырылады. Барлық ұсыныстар мұқият қаралып, есептеледі. Нәтижесінде тұрғындарға нақты шешімдер ұсынылатын болады.