Алаяқтық

17.04.2019

2019 жылдың ақпан айында Өскемен қаласының № 2 соты алаяқтық жолмен бірнеше адамды 75 миллион теңге көлемінде ақшалай шығынға ұшыратқаны үшін 1987 жылы туылған Өскемен қаласының азаматын Қазақстан Республикасының Қылмыстық Кодексінде қарастырылған заңға сәйкес 6 жыл 6 ай мерзімінде бас бостандығынан айыру жөнінде үкім шығарған болатын. Дегенмен, арада ай өтпей жатып сотталушы азаматтың тағы бірнеше алаяқтық деректері бой көрсете бастаған. Бұл дегеніміз қылмыстық істің жалғасы ретінде алаяқтықтың

Әкімдіктің бұрынғы қызметкері өзінің таныстарын кезексіз төмен бағамен пәтер алып беремін деп иландырған. Бастапқы жарна ретінде жаңа пәтер иелерінен қомақты ақша алып, өзінің қажетіне жаратып отырған.

-32 жасар Өскемендік азамат әкімдіктің қызметкері ретінде бірнеше адамды алдап соққан. Бұған дейінгі қылмыстары үшін заң алдында кінәлі боп танылған ол темір торға тоғытылды. Қазіргі уақытта күдіктіге қатысты соңғы деректер бойынша жаңадан қылмыстық ісі басталып, тергеу амалдары жүргізілуде,-деді Өскемен қаласы Полиция басқармасының жеке меншікке қарсы қылмыстарды тергеу бөлімшесінің бастығы полиция капитаны Жасұлан Игісінов.

Сот үкімі күдіктінің бұрын сотты болмағандығын, кішкентай балаларының барлығын ескеріп 6 жыл 6 айға бас бостандығынан айырған болса, ендігі кінәлары толықтай дәлелін тапқан жағдайда мерзімі үстіне мерзімі жамалатыны сөзсіз.