«Challenge Men qazaqsha sóileimіn» Күршім ауданы жастарынан бастау алды.

Форум жұмысына қалалар мен аудандардағы жастар ресурстық орталықтарының директорлары мен қызметкерлері, өңірдегі жастар ұйымдарының өкілдері, аудандағы жастар ісі жөніндегі мамандар, ауыл жастары қатысты.

Іс-шара барысында «Zhas project» жастар корпусын дамыту жобасы арқылы грант иеленген жастар жобаларын іске асыру барысымен таныстырды. Сонымен қатар, «Ұрпақтар сабақтастығы және жастар» тақырыбында дөңгелек үстел отырысы, жергілікті жерде волонтерлік қызметті дамыту бойынша семинар-тренинг өткізіліп, облыста Жастар жылын өткізуге арналған іс-шаралар жоспары талқыланды.

Форумның салтанатты рәсіміне аудан әкімі Дулат Зайсанбекұлы Қажанов қатысып, ауданның белсенді жастарын марапаттады.

Өз сөзінде Д. Кажанов ауылдың болашағы - жастар екендігін атап өтіп, жас мамандарды ауылдық жерде қызмет етуге шақырды.

Іс-шара соныңда аудан жастары әлеуметтік желілерде «Challenge Men qazaqsha sóileimіn» интернет-эстафетасын бастап, Өскемен қаласының жастарына жолдады. Негізгі шарт елімізге белгілі ақындардың өлеңін жатқа оқып, видеосын әлеуметтік желілерге орналастыру. Бұл акция жыл соңына дейін жалғасып, облыстың барлық қалалары мен аудандарындағы жастарды қамтитын болады.