Әскери қызметшілер парасаттылықты қолдайды.

18.07.2019

Қазақстан Республикасының Ұлттық Гвардиясының 6699 әскери бөлімшесінде және «Шығыс» өңірлік қолбасшылығында ҚР Сыбайлас жемқорлыққа қарсы іс-қимыл Агенттігінің ШҚО бойынша Департаментінің қызметкерлері сыбайлас жемқорлыққа қарсы тақырыпта кездесулер өткізді. Кездесу барысында сыбайлас жемқорлық ұғымы заң аясында түсіндіріліп, сыбайлас жемқорлық құқықбұзушылықтары үшін жауапкершілік шаралары туралы ақпарат берілді.

Әскери қызметшілер 2018 жылғы сыбайлас жемқорлыққа қарсы іс-қимыл туралы Ұлттық баяндамамен таныстырылды. Адалдық, парасаттылық жайлы видеороликтер көрсетілді. Кездесулер соңында, пікір алмасу барысында әскери қызметшілер елімізде сыбайлас жемқорлықты жою үшін әркім өзінен, өз отбасынан бастау қажет, әсіресе балалар тәрбиесіне көп мән беру керек деген ортақ пікірге келді.