Ал бүлдіршіндердің ата-аналары полиция қызметкерлеріне айтар алғыстары шексіз екенін Полиция Департаменті басшысының атына хат жолдау арқылы білдірді.

06.09.2019

Өскемен қаласы Полиция басқармасының патрульді полиция батальонының қызметкерлері күнделікті жұмыс бағыты бойынша Абай көшесінде көп қабатты үйлердің ауласын патрульдеу кезінде кешкі мезгілде үйден шығып, адасып кеткен 3 жасөспірімді табады.

Полиция қызметкерлеріне 8 жастағы екі қыз бала мен 9 жасар ұл бала Н. Назарбаев даңығылында орналасқан үйлерінен шығып ойнап жүріп, басқа жаққа адасып кеткендерін, бір-біріне көрші тұратындарын айтқан.

Тез арада Жедел басқару орталығының «102» арнасына қоңырау шалып, болған оқиғаны баяндап, ата-аналары хабарласқан жағдайда балалары дін аман екендігін және оларды өздерімен бірге стационарлы бекетке алып бара жатқандарын жеткізген.

Сол уақыт аралығында балаларын жоғалтқан ата-аналар да полицияға қоңырау шалып, 3 жасөспірімнің із-түссіз жоғалып кеткендігін хабарлаған. Полиция қызметкері ата-аналарының сипаттауы бойынша жоғалған бүлдіршіндердің амандығын айтып, олардың станционарлы бекетте қауіпсіз жерде отырғандарын айтады.

 Қуанышты хабарды ести сала жан ұшыра жеткен ата-анасының қолына 3 жасөспірімді табыс еткен, взвод командирі Хамитов Ринат, полиция лейтенанттары Сейлханов Ренат пен Қасымханов Әли еді.

Ал бүлдіршіндердің ата-аналары полиция қызметкерлеріне айтар алғыстары шексіз екенін Полиция Департаменті басшысының атына хат жолдау арқылы білдірді.

Осыған орай, полиция қызметкерлері ата-аналарға балаларына деген жауапкершілік пен бақылауды күшейтуді, олардың қауіпсіздігіне жауапты екендерін ескертеді.

Похожее