Көлікті ұрлап әкетті

06.04.2019

2019 жылдың 03 сәуірінде сағат 16.37 шамасында Өскемен қаласы Полиция басқармасының «102» арнасына 1990 жылы туылған азамат хабарласып, оның Қабанбай батыр көшесінде орналасқан үйінің ауласында тұрақталған көлігін белгісіз тұлғаның заңсыз айдап әкеткені жөнінде шағымданған. Қоңырауды қабылдаған тәртіп сақшылары бірден Өскемен қаласы аумағында «Ұстау» жоспарын жариялап, барлық нарядтарға бағдар таратылды.

Әуежай шағын ауданы аумағында қызметте жүрген құрамында Өскемен қ. ПБ Жол-патрульдік полициясы батальонының инспекторлары полиция лейтенанты Д.Уәлихан мен С.Бердыкпаев болған «Қыран-40» патрульдік экипажы берілген бағдар бойынша күдікті көлікті байқап қалып, жедел тоқтату шараларын ұйымдастырады. Барлық сақтық шаралары арқылы көлікті тоқтату барысында облыс орталығының 29 жасар тұрғыны қолға түседі. Тексеру барысында көлікті айдап әкетушінің бұрын да бірнеше рет сотты болғаны анықталған. Қазіргі таңда күдіктіге қатысты ҚР ҚК 200 бабы 1 бөлігі бойынша сотқа дейінгі тергеу амалдары басталды.

Өскемен қ. ПБ Жол-патрульдік полициясы батальонының инспекторлары полиция лейтенанты Д.Уәлихан мен С.Бердыкпаевтың қырағылықтары мен сауатты қимылдары нәтижесінде ұрланған көлік өз иесіне табыс етілді.