«Таза аула»

17.09.2018

№1 оқу ғимараты маңындағы аумақты жəне басқа ғимараттардың, сондай-ақ Амур және Карбышев көшелерін жалпықалалық сенбілік аясында тазалауға «Дене шынықтыру және спорт», «Алғашқы әскери дайындық» мамандықтарының 300 шақты студенті мен шаруашылық департаментінің еңбеккерлері шықты.

Акцияға С. Аманжолов атындағы ШҚМУ ректоры Мұхтар Төлеген және тәрбие жұмысы жөніндегі проректоры Ирина Ровнякова да қатысты.
Өскемен қаласының және оқу ғимараттарының аумақтарын көгалдандыру, үнемі тиісті санитарлық жағдайда күтіп-ұстау және абаттандыру мақсатында қала әкімдігінің 2018 жылдың 11 қыркүйегіндегі №1/817 қаулысына сай аумақтарды санитарлық тазалау бойынша айлық жарияланды.
15 қыркүйектен 1 қазанға дейін Амур және Карбышев көшелерінің аумақтарын тазалау бойынша «Таза аула» акциясы жарияланған.