Тәлімгерлік

17.04.2019

Тәлімгерлік - тәлімгер мен тәлім алушының арасында, сенімді, жеке бағытталған қарым – қатынаc орнату әдісі. Тәлімгерлік ету барысында тәлімгер өзінің білімімен, тәжірибесімен бөліседі, ал тәлім алушы еңбек жолында айтулы жетістіктерге жету мақсатында өзінің кәсіби дағдыларын дамытып, қызмет барысындағы мәселелерді шешу жолдарын іздейді. Тәлімгерлік тәлім алушыға білімін, тәжірибесін беріп, жоғары мүмкіндіктерінің ашылуына көмектеседі

Полиция қызметінде де тәлімгерліктің алар орны ерекше. Қызметке жаңадан келген жас буынға орта немесе аға буын өкілдері тәлімгер болып тағайындалады.

2019 жылдың 11 сәуірінде Өскемен қаласы Полиция басқармасында тәлімгерлік отырысы өтті. Басқарма бастығының орынбасары полиция подполковнигі Марат Баяндинов тәлімгерліктің жылдық жоспарымен танысып, атқарылған жұмыстарымен танысты. Сауал барысында жас тәлім алушылар өздерінің пікірлерін де білдіріп жатты.

Білмегенімзді сұрап, қызметте кездесетін сұрақтарға жауап іздеу кезінде қасымызда тәжірибелі тәлімгердің болғаны өте жақсы. Менің тәлімгерім өз білгенін үйретуден еш жалыққан емес, -деді жас қызметкер Айдана Советханова.

Айдана сынды жас полицейлер келешекте білікті де парасатты қызметкер ретінде Отанына адал қызмет етеді деп сенім білдіреміз және осындай жастар легі көбейе берсін деген тілектеміз.