Жаңа жыл мерекесі қарсаңында Өскемендік полицейлер балаларға ұмытылмас көңіл-күй тарту етті

28.12.2018

Жаңа жыл мерекесіне орай Өскемен қ. Полиция басқармасының қызметкерлері таңғажайыпты күтетін бүлдіршіндер арасында қонақта болып, тәрбиеленуші сәбилермен өздерінің мейірімдерін бөлісіп қайтты.

Балалар үйінің, сонымен қатар өмірдің келеңсіз талқысына ұшыраған қолайсыз отбасылардың тәрбиеленушілеріне тәртіп сақшыларының қонаққа келуі бұл үйреншікті жағдай. Ішкі істер органдарының өкілдері жыл сайын балаларға барып, өздерінің сыйлықтары мен көтеріңкі көңіл-күйлерін, мейірімдері мен ықыластарын тарту етіп отырады. Өткен жыл-Бақытты балалық пен мейірімділікті қорғау жылы десек, артық айтпаған болар едік.

- Келген жаңа жылымыз ата-ана қарауынсыз қалған барлық бүлдіршіндерге бақыт пен отбасылық шапағат сыйласын, -деп тәртіп сақшылары тілектерін білдірді.

Сәбилерге деген ақ жарқын тілектерімен қатар қонақтар өздерімен алып келген тәтті сыйлары мен ойыншықтарын тарту етті.