Жарылғыш зат табылды

16.07.2019

Өскемен қаласының аумағында 2019 жылдың 10 мен 14 аралығында өткізілген «Қару» жедел-алдын алу шаралары барысында Өскемен қ. ПБ Үлбі полиция бөлімінің жедел уәкілдері заңсыз сақталған жарылғыш затты қолға түсірді.

Яғни, келіп түскен жедел ақпар бойынша қала аумағында орналасқан жер үйлердің бірінің бақшасында көміліп жатқан 05-1 келі салмағы бар жарылғыш зат табылған. Ол үйдің иесінен жауап алу кезінде оған бір жыл бұрын Шемонайха кентінде тұратын танысы келіп, сұр түсті орауы бар затты қалдырып кеткені белгілі болады. Тексеру барысында затты қалдырып кеткен азаматтың 2019 жылдың бас кезінде қайтыс болып кеткені анықталады. Тәртіп сақшылары жарылғыш затты тексеру мақсатында Қостанай қаласындағы жарылғыш-техникалық сараптама орталығына жіберді. Ал, сараптама нақты дәлелін тапқан жағдайда ол затты заңсыз сақтағаны үшін үй иесі заң алдында ҚР ҚК 287 бабының 3 бөлімі бойынша жауап беретін болады.