«Қазақстан бүгін және болашақта»

Осы орайда бүгін 14 қыркүйек күні Өскемен қаласында Д.Серікбаев атындағы Шығыс Қазақстан Мемлекеттік техникалық универститетінде ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Шығыс Қазақстан облысы бойынша департаментінің ұйымдастыруымен облыстағы мемлекеттік қызметшілермен және студенттерден құралған «Қазақстан бүгін және болашақта» тақырыбы бойынша пікір-сайыс турнирі өткізілді. 

Пікір-сайыста 21 команда, оның ішінде: 11 мемлекеттік қызметшілер мен 11 студенттер бағын сынады. 
Мұндай пікір-сайыстарға қатысу мемлекеттік қызметшілерге тиімді қызмет ету үшін талдау және сын тұрғысынан ойлау, өз ұстанымдарын дәлелдей білу, байланысқа бейімділік, креативтілік, сондай-ақ күтпеген жағдайларда жедел әрекет ету секілді маңызды, икемді дағдыларды сапалы шеберлеуге мүмкіндік береді.
Айтылғандардан басқа, ұлттық деңгейдегі пікір-сайыс мемлекеттік қызметшілерге ел алдына қойылған мақсаттарға жету жолында өзінің жеке салымын енгізуге мүмкіндік береді.
Пікір-сайыс раундтарының тақырыптары мемлекеттік қызмет туралы және сыбайлас жемқорлыққа қарсы іс-қимыл туралы Ұлттық баяндамаларда көрсетілген өзекті мәселелерді есепке ала отырып, айқындалды. 
Пікір-сайыс қорытындысы бойынша: қазақша лигадан 1-орынды ШҚО бойынша Қазынашылық департаментінің Глубокое ауданы бойынша басқармасының бас маманы Мұхаметқанова Айымгүл Жанатханқызы және С.Аманжолов атындағы ШҚМУ студенті Жақсылық Жансая Төлеуғазықызы , 2-орынды Ұлан аудандық кәсіпкерлік және ауыл шаруашылық бөлімінің бас маманы Шалусбаев Еркебұлан Серікбекұлы және С.Аманжолов атындағы ШҚМУ студенті Қуатбеков Бақдәулет Бақытұлы, 3-орынды Семей қаласының мәдениет және тілдерді дамыту бөлімінің бас маманы Қуангалиева Анар Ахметқалиқызы және Д.Серікбаев атындағы ШҚМТУ студенті Молдақашев Қуаныш Панарбекұлы жеңіп алды.
Ал орысша лига бойынша, 1-орынды ШҚО МКД «Әуезжай-Өскемен» кедендік бекетінің жетекші маманы Лихомяжева Мария Васильевна және Д.Серікбаев атындағы ШҚМТУ студенті Бекенбай Ерасыл Ерланұлы, 2-орынды экологиялық бақылау бөлімінің басшысы Қайдаров Аян Еркінұлы және Өскемен қалалық политехникалық колледжінің студенті Филипов Никита Сергеевич, 3-орынды Семей қаласының Востокказнедра инспекциясының басшысы Мұхамеденов Эльдар Әлімұлы және Семей қаласының мемлекеттік медицина универститетінің студенті Төлеубекова Милана Төлеубекқызы.